Diabierna despues di merdia e miembronan di departamento di droga a pone man riba e homber Papo cu ta bende droga na Playa. Pa hopi aña caba Papo ta conoci pa bende droga. Un tempo e tabata mas pabou den Rancho y despues di sinta su castigo a sigui bende droga. Awor e ta bende droga patras di Panaderia Moderna. E tin un bentana special pa asina bende droga cu su cllientenan. Ta masha hopi usador di droga ta bin cerca dje durante henter dia. Nan ta pasa bati na bentana y asina e placa ta bay y droga ta bin. E centro di benta ta cas di Papo. Diabierna despues di vigila varios comprador a drenta e cas cu team di aresto. A detene varios persona cu a bin cumpra droga. Despues cu nan cumpra ta bay nan tras y asina haci e detencion. Ta haya nan cu e droga y bay cu nan warda. Asina ta tuma nan declaracion y djey ta laga nan bay liber. Ora tin suficiente declaracion ta bay over na drenta e cas di e bendedor. Den e caso aki a drenta cu Team di Aresto pasobra e cas aki ta tur sera na portanan special cu hekwerk. Esey no a stroba e entrada. Despues di e detencion a bay cune warda y recherché a drenta e cas pa listra pa droga. A haya droga, placa y atributo pa bende di droga. Tur a keda confisca. Mientras cu Polis tabata bezig, ainda basta hende tabata yega pa cumpra droga y topa cu Polis. Nan tabata dal un buelta bay bek. Sigur tremendo trabou di polis di droga. Fiscal tabata tey y e unidad di K-9 tambe.
