Resientemente Minister di Gobernashon, Planifikashon i Servisio Públiko, riba inisiativa di e direktor di Facilitair Bedrijf, a regalá algun ‘whiteboard’ na diferente skol. Facilitair Bedrijf ta e unidat di e ministerio enkargá ku organisashon i ehekushon di tareanan manera kompra di artíkulo, alokashon i distribushon.
Facilitair Bedrijf ta alabes enkargá ku limpiesa i mantenshon. Minister Armin Konket personalmente a hasi entrega di algun di e bòrchinan. Maestronan di e skolnan aki a keda sumamente kontentu i gradesido pa e gesto. E minister ta sali for di e punto di bista ku bòrchinan aki ta di mas balor den enseñansa di nos muchanan ku pará den mangasina. Pa e motibu aki e desishon pa repartí e bòrchinan na diferente skol ku por hasi bon uso di nan. Minister Konket i kolaboradónan di ministerio di Gobernashon, Planifikashon i Servisio Públiko ta konsiente di e nesesidat grandi di e skolnan i ta kontentu di por aportá ku un granito. E empeño di kolaboradornan di e ministerio ta pa, aparte di e gesto aki, hasi esfuerso pa trese funshonamentu di e ministerio na tal nivel ku e ta satisfasé tur persona o instansia ku ta dependé di e ministerio pa servisio. terminá pa duna un granito na optimalisá funshonamentu di nos pais i realisá un Kòrsou “Bon Sirbi”.
