Diasabra anochi a sosode diferente accidente rond nos isla. Un di nan tabata riba Avenida Nelson Oduber (Ex-Sasaki) caminda un auto a bay tras di un otro y un persona a resulta herida.
Esaki a tuma luga den careda di 10:20 pm net un poco prome cu e rotonde, conoci como e rotonde di Fatum. Aki un chauffeur no a midi bon su velocidad y a bay tras di un Jeep cu tabata coriendo su dilanti.
Debi cu e chauffeur tabata keha di dolor na pecho, mesora a pidi presencia di ambulance pa bin atende cu ne. Na mes momento a opta tambe pa cera e caminda y desvia e trafico, pa asina por traha trankil y atende e accidente.
