Un dicho masha conoci riba nos isla ta esun di: Si bo no por bebe laga e alcohol den e boter. Esaki lo ta algo cu por a aplica den e situacion aki cu e persona cu polis a bin haya drumi tur su largo riba acera.
Aproximadamente 3:30 am a pidi presencia di polis dilanti Town Dragon, Dakota pa atende cu un homber morto na soño dilanti porta di e luga. No tin informacion di unda el a bin of unda e kier a yega, pero a haci nan best pa lant’e for di eybou y asina dun’e un lift pa su cas.
Masha hopi conseho tin cu por duna den situacion asina aki, na prome luga ta, di busca ayudo na instancia/grupo si acaso tin problema cu consumo excesivo di alcohol, otro lo ta busca miho amigo pa dal drinks cu ne pa asina no haya bo mes, bo so despues den un estado lamentabel y un otro lo ta pa laga e alcohol den e boter.
