Polis a presenta pa un accidente na Santa Cruz, den area di Macuarima caminda dos auto a dal den otro semi frontal. Impacto tabata basta fuerte cu a pone cu un di e autonan a bay para un bon pida leu di e otro.
Esaki a tuma luga den careda di 11:00 pm, net den e birada skerpi dilanti Bruger King. Chauffeur di un Toyota Vitz a bay den su banda contrario y dal semi-frontal riba un Ford Edge cu tabata biniendo for di zuid.
Afortunadamente no tabatin hende seriamente herida pero sigur daño material tabata considerabel. Polis a presenta basta rapido mirando cu tabata hopi cerca di warda di polis. Nan a cera e caminda pa sigura cu personal presente por a traha sin peliger di trafico acercando.
