Diadomingo atardi alrededor di 6:00 pm a sosode un accidente net pabou di Mega Stone na Piedra Plat. Aki ta caminda cu dos auto marca Kia a dal contra otro. Con e accidente a tuma luga exactamente no ta conoci.
Ta trata di un Kia Rio color shinishi y un Kia Picanto color cora. E Picanto parce tabata biniendo for di pariba y e Rio for di direccion contrario. Segun testigonan, e Rio a bay pa lora dilanti di e Picanto.
E chauffeur di e Picanto a resulta herida. Polis di trafico a presenta pa atende cu e accidente. Un unidad di ambulance a atende cu e chauffeur di e Picanto y un rato despues un di dos unidad a presenta pa check un cu e otro cu e chauffeur di e Kia Rio.
