AZV e aña aki a tuma e decision pa bay over na cera nan sucursal, tanto na Noord como na San Nicolas.
Esaki tabata tin diferente motibo, segun vocero di AZV, Solange Tchong. AZV den e ultimo añanan a haci un intento grandi pa por a bay over na duna servicio mas eficiente y un di e cambionan mas grandi cu por a wak for di algun aña atras, ta cu a cuminsa duna servicio na e dunadonan di cuido mes.
Por ehempel pa loke ta cambio di dokter di cas, cambio di botica ta tuma luga dos biaha pa aña. Ta organisa esaki den cierto periodonan fiho y a hala e servicio directo cerca e dunado di cuido mes.
Pa duna un ehempel, ora cu un persona kier haci un cambio di dokter di cas e por sosode den e periodo di maart y september di tur aña y por awo acudi directamente na e dokter di cas nobo cu ta desea.
Igualmente ta conta pa cambio di botica, cu tambe tin dos periodo di cambio, cual ta luna di april y october tur aña. A hala e servicionan aki directamente cerca e boticanan mes.
Es decir, kico bo ta haya, cu pa cierto servicionan ya no ta necesario pa bay e oficinanan di AZV y a wak tambe door di a haci e cambionan aki y hala e servicio directo cerca e dokter di cas of boticanan, bo ta bay haya cu 25% di clientenan a baha caba. Den sentido cu ya caba no tin e necesidad pa bay na e oficina di AZV.
Esaki a causa cu en berdad mester a evalua e ora si ta keda mantene e oficinanan aki habri y consecuentemente a dicidi cu no.
Sucursalnan mester a cera
A tuma mas factor den e evaluacion y a base di esaki a tuma e decision pa cera tanto Noord den luna di juni y awor aki recientemente a cera e oficina di San Nicolas tambe, pa motibo cu ta bay mira y premira cu den 2020 ta bay tin servicionan cu ta hasta bay wordo digitalisa, cual ta bay haci cu no ta bay tin e necesidad pa keda cu tres sucursal habri.
A concentra aworaki tur e servicionan na AZV Oranjestad, Rumbastraat 21 pa asina e servicionan por keda. Pero AZV a evalua tambe cu si wak futuro, con e ta bay sigui. Ta bay ta asina cu ta bay tin algun cambio riba e area di digitalisacion, automatisacion.
Tjong a indica cu e plannan di AZV ta pa den 2020 cuminsa cu loke ta yama un digipas. Un carchi cu ta bay ta posibel pasobra e ta digital y no mas un carnet como sea, manera cu nos ta cana cun’e awor aki.
Reaccion
A haya algun cliente di parti di San Nicolas, cu a haya un tiki lamentabel of cu a yama e oficina principal, pero e no tabata hopi reclamo. Tabata aki aya algun cliente cu a opina cu toch lo tabata great si a manten’e AZV San Nicolas habri.
