Aruba Health Fair, organisa pa AZV a bay hopi bon. Hopi hende a presenta, segun Joost v/d Kamp di e departamento di comunicacion. Tabata tin en total 43 stand di participante local. Tambe tabata tin booth di algun di e clinicanan cu AZV ta traha cu nan p’asina presenta nan mes na e publico Arubiano. Tabata hopi bon pa nan ta na Aruba mes pa mira con Aruba ta y con AZV ta maneha un Health Fair, asina Joost v/d Kamp, encarga cu e departamento di comunicacion di AZV a splica.
Ta importante pa mustra kico tur tin disponibel na Aruba. No solamente di parti di cuido, esta dokter y specialista, pero tambe parti di prevencion. Tambe riba e parti di cuminda y bebida saludabel.
Tabata tin diferente club deportivo cu a demostra con bon ta pa haci deporte. Tabata tin weganan unda cu por rij cuanto kilometer bo tin cu core si por ehempel bo come un pastechi. Nan tabata tin partinan dibertido pero alabes cu por siña di dje.
Dialuna caba AZV ta bay busca feedback pa mira si esaki ta algo cu hendenan ta gusta. Semper AZV ta haya critica y ta scucha hopi comentario, pero tin hopi necesidad pa bon informacion. Cu un Health Fair asina, v/d Kamp a comenta cu cualkier pregunta cu un persona tin, por haya un contesta of conseho durante e Health Fair. Alabes e ta algo leuk. Aunke cu ta saludabel, tin cosnan pa come y pa bebe. Tambe nan tabata tin bandanan musical pa por diberti un tiki. Bailamento tambe ta movecion y tambe ta saludabel, v/d Kamp a bisa por ultimo.
