E wega di Mini Mega Plus di Lotto di Aruba lo ta grandi un biaha mas. E premio ta 735 mil florin pa awe nochi, aunke cu a regala caba 1 miyon na un ganado, kende a gana esaki algun dia pasa.
Ronald van den Berg, Director di Lotto di Aruba a conta e wega mes a causa cu e premio ta grandi asina, mirando cu e wega anterior, a cumpra e premio grandi cu 5 florin, na luga di 7 florin, pues e ganado a bay cu e premio di Mini Mega so y no e Mega Plus.
Awe nochi atrobe e ta 735 mil florin, cual ta un jackpot hopi grandi. E ora bo tin cu cumpr’e cu 7 florin pa bo por bay cu e jackpot grandi aki.
Lotto ta sigui haci hende feliz prome cu fin di aña.
Reaccion
Segun van den Berg, e tarea di Lotto ta grandi. Pueblo ta duna nan e confiansa cada biaha, maske eyfo ta tendiendo hopi cos. Cumpradonan tin confiansa. Lotto ta paga, benta ta bon, en particular awor aki.
Den e caso aki, e ta un pot hopi grandi pa fin di aña. Hopi hende ta riba dje atrobe y pa awe nochi e lo bay tin un premio Mini miyonario.
Cumpra bo Lotto na cualkier rebendedo of tambe na oficina di Lotto mes, bo por pasa busca bo ticket.
Lotto 5
E premio di Lotto 5 diasabra a bay. Ta hopi placa ta wordo reparti na premio. Segun van den Berg, pa aña sigur sigur ta parti por lo menos 25 miyon florin na premio so. Esey hopi hende no ta papia di dje. Lotto ta paga y na ora. Ora cu hende bin cobra, nan ta paga mesora.
E ta hopi placa. Den full e aña cu a pasa a paga hopi hende. Lotto ta fuerte financieramente, danki na pueblo pa e respaldo na Lotto di Aruba.
