Diasabra den ora di atardi laat partido AVP a tene nan ceremonia di conmemora Dia di Himno y Bandera riba e Monumento 18 di maart. E atardi a inicia cu tocamento bou encargo di Ruben and Friends, kendenan a toca algun piesa pa deleita e publico presente.
A sigui cu e ceremonia, di cual Sonsito Croes tabata e MC. El a splica di e Fundacion 18 di maart cu tabata funda dia 12 di maart 1991 y cu na 1996 e monumento tabata inaugura oficialmente pa Prins Willem-Alexander hunto cu algun firmante manera Padu Lampe, Everaldo Croes y Chonai Roos. Jennifer Snijder tabatin e honor di canta nos himno, mientras cu dos padvinder tabata encarga pa marcha compaña pa un otro padvinder cu tabata toca drum. E padvindernan a percura pa hisa e bandera. A sigui c’un discurso di Wendrick Cicilia den nomber di partido AVP y mr. Mike Eman den nomber di famia Eman. Por ultimo Muzaninn Wever, presidente di Fundacion 18 di maart, tambe a hiba un discurso.
Lider di partido, mr. Mike Eman, a indica cu nan a duna reconocemento n’e fundeshi di e lucha di Status Aparte. Tabata e generacion cu a bay prome cu esun actual, cu a sinti e yamada como e necesidad pa duna Aruba un avenida caminda a haya e libertad pa por goberna Aruba y ta doño di propio distinto. Cu e alma ey cu a guia nan e sentimento comun aki, unda a trece hunto un pueblo. AVP a reconoce 2.147 cu a firma e prome documento di peticion cual a bay Hulanda y a haci un impacto hopi grandi a base di cual a logra haya e mocion di 18 di maart 1948.
Na momento cu den otro aña despues otro lider manera Betico Croes a haci escogencia pa e dia nacional di Aruba, a scoge 18 di maart a duna honor na Eman su defunto tata na e mocion di 18 di maart 1948. Esey ta haci cu e fecha ey ta acopla tur partido politico. E fecha ey no tin un color politico. E tin añanan di generacion di partido berde, aña di generacion di partido oraño, multicolor, despues partido geel. Despues un biaha mas partido AVP a haci un diferencia grandi pa tene Aruba riba e curso di Status Aparte pa no a bira independencia ya desde e tempo ey p’e hoben Henny Eman.
Asina por mira curso di generacion di Juancho Irausquin, Shon A Henny Eman, Henny Eman jr., Betico Croes. Aruba cada bes cu tabatin mester di lider importante pa guia, pa conserva e amor p’e libertad di e hendenan. Pa duna e avenidanan pa Aruba prospera, nos tabatin e lidernan ey.
P’esey AVP a reconoce nan diadomingo atardi y dialuna den celebracion na Cas di Partido ta crea un biaha mas e union, pasobra cada bes bolter cos pa haci Aruba e pais cu tur ta desea tin obstaculo. Tin biaha mester bolter obstaculo. E generacionnan anterior a bolter obstaculo, defunto Henny Eman a bolter obstaculo, Shon A Eman a bolter obstaculo, Juancho a bolter obstaculo, Betico a bolter obstaculo, Henny Eman jr. a bolter obstaculo. “Ta toca nos awo pa bolter obstaculonan cu ta strobando Aruba y pa nos por yega na acuerdo bon, pa e bon comun di nos pais. Bay Hulanda y yega na areglonan pa Aruba por haya fondo di inversion. Y p’e motibo ey nos ta sinti cu den e cuna caminda e politica, caminda e deseo pa autonomia a nace” el a expresa. Awe tin e deseo p’e bon comun di e pueblo Rubiano, uniendo e pais aki.
P’esey AVP a reconoce nan diadomingo atardi y dialuna den celebracion na Cas di Partido ta crea un biaha mas e union, pasobra cada bes bolter cos pa haci Aruba e pais cu tur ta desea tin obstaculo. Tin biaha mester bolter obstaculo. E generacionnan anterior a bolter obstaculo, defunto Henny Eman a bolter obstaculo, Shon A Eman a bolter obstaculo, Juancho a bolter obstaculo, Betico a bolter obstaculo, Henny Eman jr. a bolter obstaculo. “Ta toca nos awo pa bolter obstaculonan cu ta strobando Aruba y pa nos por yega na acuerdo bon, pa e bon comun di nos pais. Bay Hulanda y yega na areglonan pa Aruba por haya fondo di inversion. Y p’e motibo ey nos ta sinti cu den e cuna caminda e politica, caminda e deseo pa autonomia a nace” el a expresa. Awe tin e deseo p’e bon comun di e pueblo Rubiano, uniendo e pais aki.
