Awe mainta algo pasa di 8:00am a sosode un accidente riba Avenida Nelson O. Oduber (Ex Sasakiweg). Un auto marca Infinity modelo Q Series color shinishi, pa un of otro motibo, a perde control, baha caminda y cay den e rooi memey di e dos camindanan.
E chauffeur tabata coriendo direccion Noord, despues di e rotonde na Superfood, Den un combinacion di velocidad y caminda muha, a pone slip, perde control y baha den e awa.
Danki Dios no tabatin otro auto envolvi y e chauffeur mes a sali ileso den e accidente. E dolor di cabes lo bini ora pa saca e auto for di e posicion cu e ta awo.
