Diadomingo mainta trempan, alrededor di 6:30am a sosode un accidente riba tereno di e stacion di gasolin, CITGO Caya Betico Croes. For di algun dia caba tin trabou di renobacion tumando luga, specificamente na e area unda tin e pompnan di combustibel. Ey a sosode yn accidente awe mainta cu a activa tur esunnan envolvi mesora.
E compania di construccion trahando na CITGO Caya Betico Croes a coba un canal bou tera. A tapa e buraco cu plachinan di hero, pa auto por pasa trankil riba dje. A laga pone varios pion color oraño pa indica peliger.
Sinembargo, awe mainta un hende a kita e pion nan y un auto a core drenta poco pura, prome cu a instala e iron-plate nan. E chauffeur no a nota e canal habri y a cay den dje cu su auto.
E conpania Fuels Marketing & Supply Aruba (FMSA), un subsidiario di Refineria di Aruba (RDA), cu ta doño di CITGO Caya Betico Croes, lo asumi tur responsabilidad pa esaki y lo compensa e daño.
