E productonan di prome necesidad ta birando mas caro. Por ehempel prijs di webo y pan. Segun Setty Christiaans-Yarzagaray, no tin ningun producto cu no lo subi den e temponan aki. Pero ainda gobierno no a introduci ningun cambio.
Si ripara cu tin cambio den prijs di awo caba, siendo cu gobierno ta premira cu su ley di BTW lo ta introduci entrante prome di januari 2023, e no ta un efecto di un decision di gobierno.
E ta un efecto externo y e efectonan aki por ta multiple.
Tur hende sa cu prijs di gasolin ta subiendo, prijs di fleta ta subiendo. E efecto di por ehempel un guera entre Rusia y Ucrania a crea un efecto riba e parti petrolero asina grandi y tambe e pandemia prome cu esey, cu a causa un efecto asina grandi riba mundo di transporte, cu el a bira scars.
Una bes cu algo bira scars, sa cu prijs ta hunga un rol. T’e efecto di demanda y oferta. N’e momento cu tin mas demanda, cu tin oferta, prijs ta subi pasobra e posibilidad p’e bira mas rendabel p’e companianan. Comercio ta hopi grandi. Den e caso aki tin scarsedad di producto, tin scarsedad di transporte, tin prijs halto di fuel. Si lesa noticia riba un base diario ta scucha e cosnan aki, segun Christiaans.
Pa mayor cobertura lesa TREMPAN.
