Recientemente Delta Aruba Leo Club, den presencia di miembronan existente y tambe miembronan di nan club patrocinado, Aruba One Happy Island Lions Club, a huramento 6 hoben como miembro nobo.
E 6 hobenan aki ta:
– Jainayro George- Isabella Diaz- Zugeska Arendsz- Elena Otañez- Mary-Jane Ras- Nordin Tromp
Acto di huramentacion a wordo haci door di Leo President Ronan van Putten y Past District Governor Fl. Lion Doris Lacle-Eugenio cu asistencia di Presidente di Aruba One Happy Island Lions Club, Lion Eugene Dubero y Leo Advisor, Lion Carla Martinus.
Leo Club ta un programa oficial di Lions Club International unda e hobennan ta haya e oportunidad di haya experiencia door di organisa servicio comunitario pa esunnan di mas necesidad den nos comunidad, asina creando lidernan pa futuro. Sigui e facebook page Leo Club Delta Aruba pa tur informacion di actividadnan di servicio cu ta wordo organisa frecuentemente.
![](https://24ora.com/wp-content/uploads/2022/04/7.jpeg)
![](https://24ora.com/wp-content/uploads/2022/04/8.jpeg)
Directiva & miembrecia di Delta Aruba Leo Club & Aruba One Happy Island Lions Club kier a desea tur 6 hoben un cordial bonbini y kier desea nan hopi exito den nan futuro Leoistico.