Atraco y helicopter ta sosega hunto cu autospuit bou dak

Despues cu dialuna anochi dos homber arma a comete atraco na Solito, mesora Polis a activa. Ora prensa a saca e noticia, pueblo a cuminsa puntra mesora unda e helicopter di mas di 125 mil florin pa luna y cu lo garantiza e seguridad di e pueblo a keda. Hopi a core sali mira den halto pa wak di helicopter a sali.

Ora nos reporteronan a bay pasa na e post di bombero y helicopter na Tanki Flip, a topa cu e helicopter drumi nechi banda di e autospuit di bombero bou dak den garage. Kiermen no a sali pa cuminsa tira bista for di halto pa e auto cora cu a huy cu e dos atracadornan. E comentarionan den pueblo tabata mescos. Unda e helicopter ta? Wel ata e foto pa confirma tur hende cu e helicopter no a sali.

Comments

comments