Nan a yega te na e cas caminda e sospechoso ta scondi. Un caso di atraco a bira un persecucion formal den Cura Cabay Zuid. Polis a presenta pero no a localisa e sospechoso.
E suceso aki a tuma luga den careda di 3:00 pm caminda un persona femenino a ranca tas cu placa bay cu ne. E persona aki a saca cuchiu pa e victima y di e forma aki a logra kita su pertenencia for di dje. Segun e victima, e persona cu a atrac’e a core direccion di Pieterboerstraat y ta caminda e tambe a bay su tras.
A pidi presencia di polis como cu ta trata di un atraco pero mientrastanto e victima mes lo a bay su tras como cu e ta un persona conoci p’e. A tuma dato di e victima mientras e tabata duna di conoce cu e sospechoso lo a drenta un cas pa sconde.
No a logra topa cu ne pero a conseha e victima pa yega warda di polis y asina haci denuncia. Ta asumi cu departamento concerni lo ta informa y riba e caso, pa asina yega na detencion lo mas pronto posibel.
