Elite Productions ta cla pa subi caya diasabra awo. Despues di un temporada druk di fin di aña, Elite Productions ta cla pa subi caya. Eric Clement, encarga cu produccion y logistica di Elite Productions a indica cu apenas diamars nan a cuminsa arma e trailernan pa loke ta trata e bandanan cual sistema di zonido ta na encargo di Elite Productions.
Te cu awo, Elite Productions lo tin Tsunami y Buleria bou di au encargo. Por tin un di tres banda, pero esaki no ta confirma ainda, pa cual Clement a prefera di no divulga ainda.
E ekipo di Elite Productions ta trahando ‘around the clock’ p’asina por keda cla cu e trailer di ambos banda, tanto di Buleria como di Tsunami. Pa esaki nan a forma dos ekipo pa por traha rib’e trailernan pa arma e sistema di zonido.
Mas aleu, Clement a bisa cu Elite ta uza e sistema GBL cu ta e sistema mas moderno cu tin actualmente. Elite Productions hunto cu Tsunami y Buleria ta cla pa pone e miho ambiente riba caya diasabra awo.