Diaranson atardi a tuma luga un sesion informativo di Departamento di Impuesto (DIMP). Ta despues cu for di algun luna caba Aruba Trade & industry Association (ATIA) a solicita un sesion cu DIMP p’asina informa su miembronan riba topiconan relaciona cu impuesto. Herrick Henriquez ta director di ATIA, durante un entrevista cu 24ora.com el a conta cu nan relacion cu DIMP ultimamente ta di bon ambiente y super bon cooperacion cu e team di maneho.
E team di DIMP tabata completo y a informa e comerciantenan mas riba e topico di BBO na frontera. ATIA a solicita un sesion asina mirando cu toch tabatin algun miembro y no miembro cu tabatin algun preocupacion riba e topico.
A trece e comerciantenan mas cerca di DIMP ainda. E sesion a bay bon, tabatin hopi pregunta y hopi contesta.
Den su mayoria, preguntanan relaciona cu e topico y algun for di topico. Den un forma masha transparente DIMP a contesta tur pregunta. Por spera cu pronto DIMP lo digitalisa mas di su procesonan di impuesto, pa cual lo hacie mas facil ainda p’e comerciantenan.
Pa mas lesa TREMPAN.COM.