Aruba Tourism Authority (ATA) a saca e resultadonan pa luna di augustus y a comparti cu partnernan. Pa augustus Aruba a ricibi un total di 17420 bishitante y ta mustra un recuperacion di 20% den comparacion cu augustus 2019.
Ronella Tjin Asjoe, CEO di ATA, a bisa cu 20% ainda ta papia di un caida di 80% compara cu augustus aña pasa. Mester tene cuenta cu esaki tambe. ATA a mira den e resultado pa augustus cu 88% di bishitante a bin for di Merca, di cual 53% a bin for di New York y New Jersey. E ta un area importante pa Aruba, pero por mira e importancia di e area aki pa Aruba.
Diahuebs ultimo a introduci vuelonan diario for di Newark desde 19 di november. Banda di otro vuelonan cu tin riba schedule, por ehempel for di JFK New York y Miami cu American Airlines, di unda cu tin fluho di bishitante ta bin for di e area ey ta uza Miami como hub pa yega Aruba.
E anuncio aki ta di sumo importancia y ta permiti pa sigui acelera e recuperacion di turismo. Awo cu tin e cifranan finalisa di augustus, e prome kwartal Aruba y conta juni, juli y augustus, ta un recuperacion di mas of menos 33% compara cu aña pasa. Ainda tin un caida di mas of menos 67%.
ATA su scenario optimista ta pa yega 40% y nan kier sigui traha riba e meta ey. Si awo ta na 33% tin cu accerela tambe loke ta ricibi mensualmente y principalmente uza e lunanan di november y december. E luna di september semper ta e luna di mas dificil y tin otro aspectonan cu ta hunga un rol. E luna aki tin extra reto, october normalmente ta bon pero ATA ta mira retonan.
ATA a traha riba fiha un fecha pa reapertura di Latino America, unda nan a tene un reunion interno y cu autoridadnan concerni. A bin cu proposicion, pero prioridad ta pa no añadi niun risico inecesario na e maneho pa baha cantidad di caso positivo.
