Diamars anochi tabata e prome wega den un serie di 3 wega cu San Diego Padres ta hunga contra di e team Miami Marlins. E wega di diamars a tuma lugar na Loan Depot Stadium unda cu 24ora tabata presente y a topa diferente Arubiano. Por a mira cu nan tabata hopi orguyoso di Xander mirando cu nan tabata tin nan bandera y of petchi di Aruba. Di e forma aki dunando sosten na Xander.
E ultimo luna aki no tabata esun di mas mihor pa e team di Padres ni como Xander. Diasabra ultimo Xander no por a hunga debi na un problema na su pols. Sinembargo diamars anochi e la sa di bolter e situacion y danki na su persona e team a logra di score 5 punto. Esaki a hiba e team pa gana cu un score di 9-4 contra di Miami Marlins.
Den e stadion, 24ora a topa cu famia Oduber cu tin hopi aña ta sigi baseball. Nan ta fanatico tambe di Xander y a yega di mire hunga den pasado caba cu e team di Red Sox. Ta trata aki di Sr Horacio Oduber y su nieto Brandon Oduber cu tabata den e stadion cu nan bandera di Aruba.
