Na 1999 e torneo di softball Arubano a wordo organisa pa prome biaha na Tilburg. Desde e aña ey e competencia ta ser organisa pa e team ganador di e aña anterior.
Aña pasa bou di encargo di Kathy Maduro e team Latino Heat a sa di bay cu e premio maximo na Arnhem. Asina a toca Kathy Maduro pa organisa e di 20 edicion di e torneo di softball Arubano e aña aki. E ta hasiendo esaki cu su organisacion cual ta ensera entre otro Dominico Haynes, Reangelo Castillo, Alvin Franken, Hype X Radio y O-Events na Hulanda. Tambe na Aruba e la haya yudansa di Rondel Heyliger (Massive 103.5 FM), Curt Croeze, Mark Benson Denz, Danny Maduro, Marcie de Jongh y Joraine Duzong-Oduber.
E aña aki e organisacion pa e AST ta trahando conhuntamente cu un fundacion na Hulanda, esta fundacion Harmonie Arubaanse Participatie (HARPA), pa asina haci e evento aki uno posibel.
E torneo lo tuma luga dia 29 y 30 september 2018 na Sportpark Schenkel na Capelle aan den IJssel, cual ta situa den vecindario di Rotterdam.
Team nan ta bin di diferente ciudad pa tuma parti di e evento aki, di cual e aña aki no ta un excepcion. E aña ki tin 15 team cu ta participando na e AST y nan a wordo parti den tres poule:
Poule A
Latino Heat
Rijswijkse Benchwarmers
Schiedam Revolution
Eindhoven Red Devils
Circle Kees
Poule B
Den Haag Hit & Rum
Chillburg
No Me Importa
Arubahuis
Biediem Ballerz
Poule C
Arnhem Pif Paf
Chocolate City
Masterdam Terror
Mira Nan Mira Nos
Spijkenisse Champs
Mayoria di e teamnan aki ya tin varios aña participando caba.
E espectativanan ta halto pa locual ta e weekend di softball Arubano na Hulanda. Pa sinti mas cerca di cas, ta bay tin cushina Crioyo mane nos tur gusta. E entretenimento lo ta den man di diferente DJ manera Ayrton, Bona Vista, D’ Soca Lyon, Choka, Dysor, Isaac de Cuba, Richer, Stanlee, D’ Maduro, Rawy, RBSN, Roberto Escalona, UNDAKNTRL y Woods the Chosen. Ademas Denzel Brown lo ta live na e evento.
Mayoria ta studiante nan na Hulanda cu ta contribui pa asina haci e evento un exito.
Tambe directamente for di Aruba ta bin DJ Nutzbeatz y tambe e banda Perfect Sound.
E organisacion kier a gradici nan sponsornan, esta Benu (Visser Pharma Corporation) na Aruba, Carib Intertrans, Arubahuis, Danny’s Place, 3-S Sound, Hype X Radio, O-events, Wilson Security, H.S.V. Euro Stars y Rojane’s Taste, cu ta hasi e evento aki posibel.
Si tin mas compania nan cu lo kier yuda pa cubri e gasto nan di e torneo e aña aki ainda of kier sa mas informacion, nan por tuma contacto via [email protected]
E evento ta uno gratis. Bini uno, Bini Tur!
