Paseo Herencia diasabra anochi tabata scenario di e lansamento oficial di Aruba Tourist Carnival Group di Stichting Klein Aruba.
Jarissa Dubero, Director di Aruba Tourist Carnival Group a cuminsa na bisa cu e mes tin diesdos aña ta cana cu e idea aki rond y diasabra porfin esaki a bira realidad. Idea di e grupo aki ta pa incorpora nos bishitantenan den nos paradanan, pa nan jump, baila y gosa den un di e eventonan cultural mas grandi di nos isla.
El a sigui bisa cu e preparacionnan pa e lansamento aki tabata hopi, pero si satisfecho cu e acogida.
Dubero a bisa cu e anochi aki nan no a bin cu tur e seis modelo pa cada parada.
Pa por wak esakinan por subi www.arubatouristcarnivalgroup.com y eyriba por wak tur e modelonan di tur seis parada.
