Polis a bay pura den direccion di Dakota. A drenta informacion cu tin un homber cu arma di candela canando den area di stadion. E polisnan a haya descripcion y a topa e homber den Guyabastraat pega cu e veld di basket.
A bay riba e homber cu a spanta. A resulta cu e tabata tin un arma di candela den su poder. Solamente e arma tabata parce di berdad. E arma tabata di hunga. Parce el a haya e arma benta un caminda y a pasa man p’e. Polis a splica e homber cu e por haya su mes den problema pasobra hende ta yama polis mesora.
Despues di duna e homber un bon splicacion no tabata necesario pa detene. Tres unidad di policial tabata presente na e sitio cu seis polis. Ora ta trata e casonan cu yamada pa arma di candela, e polisnan ta yega cu diferente unidad pa bek up otro. Despues di e intervencion, e homber arma cu coy hunga a compronde y por a sigui su caminda cu su bicicleta.
