Departamento di Salud y Gobierno a manda informacion pa awe. Cifranan di recuperacion keto bay birando bira menos y esey ta bon noticia pa nos Isla. Pa e dia di awe un total di 15 persona mas a recupera.
Pa locual ta trata casonan nobo, a registra unicamente 6 caso nobo di Covid-19, di cual tur ta residente, (“positivity rate” bou residente ta 18%). E total di casonan activo a baha cu 10 persona cu ta haci cu awo na Aruba tin 393 caso activo.
Un total di 326 test haci di cual esnan bou di residentenan na laboratorio di hospital ta 33. Lamentablemente total di caso di fayecimento relata na Covid-19 a aumenta cu un persona mas cu a perde su bida relaciona cu Covid-19 y ta pone e cifra awo na 33. Palabra di forsa y condolencia na famia di e fayecido.
Na mes momento Hospital ta informa cu tin un total di 14 persona interna di cual 4 ta den cuido intensivo y 10 ta isola riba piso general.
Pa por sigui maneha e transmision di covid ta importante pa comunidad ta alerto y na prome indicacion di sintoma tuma contacto cu dokter di cas pa por haci un test. Door di isola e casonan positivo nos por controla e virus y stop e di sigui plama.
Ban sigui cuida, Aruba ta conta cubo pa sigui maneha y controla e virus di Covid-19.
