Diadomingo den careda di 12:45PM a pidi presencia di polis pa un persecucion tumando luga. Algun bisiña den e area a tuma nota di un buskeda tumando luga den varios cura di cas pa un persona cu a drenta cas di e conocido artista Antoni Gario y famia na San Nicolas.
E persona aki a drenta cas cu menos bon intencion y causa basta destruccion den cas. Mesora un di e yiunan presente a sali na defensa di su mes y su famia contra e persona indesea aki den nan cas. Por a mira cu a drenta varios cura y te hasta cura di scol den vecindario (Graf von Zinzendorf). E persona aki a causa basta daño material den e cas y no a keda conforme cu esey, a bay su cas y arma su mes cu machete den man.
Locual cu a tuma nota tambe ta reaccion di Antoni Gario riba rednan social, caminda ta indica cu e sucedido aki no ta prome biaha y ta haci un apelacion urgente na autoridad y mandatarionan pa actua mas pronto posibel contra e persona aki.
Locual cu Antoni Gario a declara:
Momentonan pasá Eric Frans a bolbe drenta mi cas te den cambernan terorisá mi famia cu arma blanco den man.!! E biaha aki mi no tbt na cas. Mi ta pidi Dios forsa pa mi no cometé un locura pa no caba anja será. Mi ta hasi un suplicá na Gobierno y KPA pa intermediá promé cu lo peor pasa. Ora cu ciudadano tuma ley den man semper tin consequencia.!!
Eric ta yiu di Dulce Frans y Glenroy Wilson. E mucha mester di ayudo promé cu lo peor pasa. Ela sali dal un otro bisinja. E bario ta terorisà y nada no ta wordo hasí. Dangui Oduber, yiu di bo colega mester di ayudo. Luna pasá caba ela drenta mi hogar y mi a logra dominá e situashon sin incidente. Mi no sa cuanto pasenshi mas mi lo por tin promé cu e caso aki bira ami, un di mi yiunan, mi senjora of e morto.!!
E ta un situashon alarmante den bario. Poco di’ey ela dal un tayo di cuminda den cara di yiu di mi bisinja y anja pasá a menasá Ashuhmah cu un botter kibrá ora cu nos cacho puppy a core bai den su curá.
Slachtoffer hulp ta traha ora un of mas slachtoffer cai caba of ta traha preventief tmb.? Janine Rodriguez
Mi yiunan y mi persona a localis’e y captur’e. Ban wak awo’ cuanto dia sistema ta want’e paso’ ela tira menasa left y right pa ora e sali nos wanta duro.!!
