Despues cu pa hopi tempo Aruba tabatin mas caso di morto pa motibo di Covid-19 den Caribe Hulandes, recientemente Corsou a surpasa e cifra di Aruba. Awe dia 4 di mei Corsou tin 111 caso di morto, Aruba tin 100 caso fatal mientras cu Boneiro tin apenas 16 morto.
Pa loke ta e situacion di Covid riba nos isla, t’asina cu awe 32 persona a recupera, a registra un total di 25 caso nobo di Covid-19, di cual 2 ta no-residente. E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 1014 test. ‘Positivity rate’ entre nos residentenan ta 19%.
Casonan activo pa awe ta 137, cantidad di morto relaciona cu Covid-19 ta 100.
Hospital a informa cu tin un total di 23 persona interna di cual 8 ta den Cuido Intensivo y 15 riba unidad general di Covid.
