Aruba Doet y Unity Carnival Group a uni forsa un biaha mas y mas cu claro tawata presente durante e dos parada grandinan di Aruba su Carnaval 65.
Hunto cu un grupo di persona cu diferente tipo di limitacion pero yena cu oportunidadnan a join un di e fiestanan cultural di mas grandi na Aruba. Por a nota sigur e entusiasmo di e grupo, caranan contento y creatividad durante ambos parada. Participantenan a baila riba musica deleita pa Hot Ones Band y asina a promove inclusion y a segura cu e grupo a gosa bay goal.
E team di Aruba Doet y Unity Carnival Group kier gradici tur partner y boluntario cu di un manera of otro a duna un man na e bunita proyecto aki. Masha masha danki pa yuda nos cu e f&b, pega stenchi, pone pluma, make-up participantenen, transporta carosa, instala banner, zorg pa nos tin bon zonido riba caminda, ambiente y mas!
