Gobierno y Departamento di Salud a manda nan informacion relaciona cu COVID-19 pa e dia di awe. Un suma di 100874 test ta locual tin registra te awo cu a ehecuta na Aruba.
Cifra di persona cu a recupera ta 32 y pa locual ta caso nobo tin un total di 27 caso nobo di COVID-19. Den e cifra aki 10 ta no-residente. E cifra di no-residente positivo ta encera esnan no-residente cu ta test na aeropuerto na nan yegada y na laboratorionan prome cu nan bandona Aruba.
Tambe tin di menciona cu tin 32 persona cu a recupera pa e dia di awe.
Pa locual ta trata e cifra di 100874 persona cu a test na Aruba caba, e cantidad total di testnan ehecuta ayera na e diferente localidadnan, entre otro laboratorio di hospital, laboratorionan priva y aeropuerto ta 822 test. ‘Postivity rate’ entre nos residentenan ta 20%.
Casonan activo pa awe ta 280, cantidad di fayecido relaciona cu Covid-19 ta 71.
Hospital ta informa cu tin un total di 17 persona interna di cual 5 ta den Cuido Intensivo y 12 riba unidad general di covid. Edad promedio di esnan ingresa pa extra cuido ta 63 aña.
