Durante un entrevista cu Anselmo Pontilius medidador di gobierno, a papia cune riba e desaroyonan laboral den 2019. Durante entrevista Anselmo Pontilius a splica cu ora compara 2018 cu 2017 riba e cifranan di referendum, a ser 2017 cu 15 peticion di referendum.
Di e 15 ey, dos compania a reconoce mesora, unda cu no tabata tin mester di referendum. E ora ey 13 referendum a tuma luga, tanto sindicato STA, FTA, ABV, cual a pidi referendum. 2018 a cera cu menos referendum. Menos cu 10 referendum a wordo cera.
Pa loke ta conflictonan laboral, pa loke ta dianan di trabao, mester bisa cu apesar cu por tabata tin confrontacionnan entre sindicato y dunado di trabao, hopi di e confrontacionnan aki a tuma luga den prensa y no mediante welga.
Esey tin varios aña caba cu ta bisa cu toch e conflicto laboralnan, den sentido di oranan di trabao cu ta wordo sacrifica y cu e confrontacion ta yega te cu e sindicato ta usa welga como su ultimo arma, esey no tabata e caso, segun Pontilius.
Keto bay por mira cu e parti di dialogo ta keda prevalece.
Mas leu Anselmo Pontilius a splica cu tabata tin confrontacion verbal entre algun empresa ya lgun sindicato, pero no a conduci cu mediador a hay’e den un caso envolvi di lo mester a atende cu welga y purba di resolve esaki. Nan a haya si den hopi mediacion, tanto na IMSAN y Hospital nan a intermedia mescos cu hopi otro compania priva durante 2018.
Mediador tin dos tarea grandi, cual ta atende cu referendumnan y tambe na momento, sea cu tin conflicto of no, e partidonan por pidi mediador di gobierno pa intermedia. Loke cu nan ta haci tambe, ta intermedia den varios caso di contracto colectivo. Esey na 2018 no tabata diferente cu aña pasa.
E volumen di intermediacion tabata casi igual cu na 2017. Logico, tin periodonan cu e ta mas, pasobra ta haya e sindicatonan manera FTA, STA, SEPPA y ABV, ta esnan cu mas ta negosha contracto colectivo.
Ora cu nan negosha contractonan colectivo, ta pa periodo mas largo. Pues tin un periodo di trankilidad, den cual contractonan colectivo ya ta vigente y no tin e tarea grandi e ora di wordo pidi pa intermedia. Solamente cu por hayabo cu situacionnan nobo, den cual por presenta, segun Pontilius.
