Den cuadro di e reunionnan relaciona cu e formacion di e proximo gobierno,e representante di Animal Rights Aruba (ARA), esta Nathalie Ventura a recapitula con e reunion cu formado a cana. Den esaki e organisacion a trece algun punto di preocupacion dilanti. Ventura a enfatisa cu un di e puntonan central tabata esun di e cantidad di pushi y cacho cu tin los riba caya. Esaki ta un problema cu Aruba ta enfrentando pa algun aña caba sin solucion algun.
Ventura a splica cu pa yega na un solucion mester bin cambio entre pueblo, gobierno y e fundacionnan concerni. Specialmente den e mentalidad di pueblo. Aki Ventura a bisa cu na final di dia ta pueblo ta esun cu tin mascota y mester cuminsa asumi responsabilidad pa esakinan y acerca fundacion pa ayudo. Primordialmente mester percura pa acudi na veterinario pa asina castra y/of opera nan mascota pa evita cu reproduccion ta bay fo’i man.
Pa cobertura mas amplio lesa edicion di TREMPAN mañan.
