Na e rotonde di Superfood banda di 4or di marduga a sosode un accidente. Un Altezza color shinishi a dal den e pickup color blauw. E chauffeur di e Altezza a huy cu e auto.
Asina mes e bumper di e auto cu plachi pega riba dje a cay riba caminda y a keda atras tambe. E chauffeur di e pickup a yama Polis. Polis a yega y cuminsa investiga. A laga e chauffeur di e pickup tambe supla.
A resulta cu e tabata bebi. E ta victima di hit and run y den mesun rosea tabata bebi. Polis a detene e victima di hit and run. Polis a chek unda e Altezza ta registra y a bay na e cas. Eynan a topa cu e Altezza sin bumper. A confisca e auto hiba warda pendiene investigacion.
E chauffeur di e pickup na warda mester a supla un biaha mas riba e machine grandi y pasa e proceso di interogacion. Depende cuanto e supla e chens ta grandi cu por perde rijbewijs tambe.
