Un fayo tecnico a laga algun area pabou di brug sin coriente diahuebs mainta. N.V. ELMAR a informa riba su cuenta di Facebook cu nan ta investigando e causa hunto cu WEB pa asina por reanuda suministro bek. Vocero di WEB no por a confirma e causa di e fayo. “Nos ta enfoca awor riba recuperacion di e suministro y despues ta bay investiga e causa” segun Asja Dongen di WEB. Algun bario despues di dos ora a cuminsa haya coriente bek. WEB a informa merdia cu prome cu 1or di atardi producion di coriente lo a normalisa na 100%. Distribucion di coriente ta den man di ELMAR.
