Algo historico: Shanayah Howell den top 10 nivel mundial

1302

Aña a habri cu super bon noticia pa Aruba y specialmente pa Shanayah Howell. UCI seccion Super Cross Elite BMX a update e ranking mundual di BMX y ata nos orguyo nacional ta figura stabiel riba puesto number 9. Actualmente Shanayah ta ranking tambe como nr 1 pa clasifica como atleta individual pa Olympiada 2021. Esaki sigur ta un resultado historico pa e deporte di ciclismo aki na Aruba y Antias.

Shanayah apesar di e crisis di Covid 19 no a para keto y a sigui train normal y a haci tremendo debut den su competencianan na final di aña pasa. Shanayah su meta ta pa logra clasifica pa e weganan Olympico 2021 na Tokyo, Japon.

Sin duda por nota cu Shanayah su entrenador profesional, Pedro Estaba, ta haci un tremendo trabou. Tambe COA y AWB ta sostene Shanayah Howell all out pa logra miho resultadonan y su meta pa logra Clasificasion Olympico 2021. Masha Pabien Shanayah Howell y Aruba.