Departamento di Rijbewijs ta encarga cu e rijbewijs di Aruba, pero nan no ta handle cu tur rijbewijs. Pa ley persona cu bin biba na Aruba mester cambia su rijbewijs pa uno legal di Aruba. Esey ta pone esnan cu ta bin di Hulanda, Corsou, Boneiro ta yega cuminsa core pasobra ta den Reino Hulandes. Den e ley di Aruba ta poni cu unabes un persona inscribi, e mester cambia e rijbewijs valido di Aruba.
E cambiamento di rijbewijs di otro pais, Aruba ainda ta hand af di verdrag di Geneve di cual tin e verdrag di trafico cu a bin na 1949. Ey den tin tur e islanan cu a firma esaki, cual tin e reglanan basico y standard di trafico. Ta poni ki regla e pais mester tin den trafico, e regla di ken tin preferencia, con mester tuma e rijbewijs tanto practica como teoria. A regla esaki for di e tempo ey pa tur cu a firma e verdrag aki. Nan rijbewijs ta valido pa cambia segun e verdrag.
Loke nan ta bezig cun’e actualmente ta cu e verdrag van Geneve a wordo cambia pa verdrag van Wenen, cual ta esun di mas nobo. Na 2008 a tuma varios cambio di cual varios pais a firma esaki y tin cu no a firma. Nan ta bezig cu buitenlandse betrekking riba e lista pa mira cua di nan tin cu cambia nan rijbewijs pa esun di Aruba of esunnan cu tin di pasa e examen di nobo.
Aworaki henter e procedura di reorganisacion di rijbewijs no ta houd in solamente examen pero e examen digitalisacion, registracion y tur cos. Na caminda e lo houd in simplemente cambia e rijbewijs, pero ta tene cuenta cu cierto pais ta bin mas manera Latino America y Merca lo haya un semi curso. Pa awo no ta haci esaki pero tin plannan pa haci esaki den futuro. Esnan cu ta biaha hopi sa cu e reglanan di preferencia ta gericht riba reglanan Europeo, pero ora mira Merca, Canada nan tin set di regla completamente otro. A bin cu e manera cu nan ta bay pasa un curso chikito pa nan siña e reglanan di Aruba y prome cu nan haya nan rijbewijs. Nan lo laga turismo sa di tur esaki, el a expresa.
Na momento cu un hende su rijbewijs caduca e no mag di core cu su vehiculo di motor. Si e haci esaki ta considera di ta coriendo sin rijbewijs. E lapso cu tin si un persona tabatin problema medico of a bay afo y bin bek y a ripara cu rijbewijs a caduca, tin un lapso di 1 aña. Si bin cambia esaki dentro di 1 aña ta verleng esaki normal, pero si tarda mas cu 1 aña e procedura ta cu e mester manda un carta na Korpschef pidiendo pa verleng e rijbewijs. Si e Korpschef bay di acuerdo, e persona ta pasa na departamento di rijbewijs y paga 125 florin cual ta pa e rijvaardigheid cursus. Asina ey e ta haya un curso di 4 ora cu tur update y reglanan di trafico, y unabes pasa e curso por pasa na oficina cu e formulario y carta di KC pa verleng e rijbewijs.
Pero si e rijbewijs ta bay caduca y e persona tin di bay un biahe largo den exterior of tin cosnan medico pa bay afo, 6 luna prome por pasa renoba e rijbewijs. Alex Pieters a expresa cu e persona tin cu yega na departamento di rijbewijs cu su rijbewijs valido y 50 florin pa A y B. Si ta pa categoria C y D mester di formulario di dokter y si ta mas bieu di 65 aña mester di e formulario di dokter pa asina verleng e rijbewijs na tempo. E tramite ta dura 10 pa 15 minuut y e persona ta sali bek cu su rijbewijs valido.
Ta depende di e temporada y e ora nan ta bira druk, manera temporada di vakantie, december of cu e studiantenan ta bay Hulanda. Hendenan ta yega pa saca nan rijbewijs internacional, hendenan ta bay afo of studiantenan ta bin bek Aruba pa pasa nan rijbewijs. A ripara cu e temporada di fiesta y vakantie nan ta mas druk.
