Aldrich Briesen ta un ciudadano preocupa, pasobra el a bin cu un boto for di Venezuela y mester a regla tur cos. Pere te cu e fecha di awe tin un situacion cu ni e gobernantenan por caba cu ne, pasobra ta cera porta pa mesun yiunan di tera. Su boto tabata para na waf p’un aña y tambe el a sink eynan. El a cana un caminda largo y tur minister ta na altura, no solamente via carta registra pa BID pero tambe a topa nan personalmente. Ya caba ta mas cu un aña y Briesen no por caba di regla e asunto aki.
Dos aña pasa el a bin cu su boto, cual a drenta legal. Tur cos tabata riba papel y tur hende tabata na altura cu e boto tabata bay drenta, esta di Duane pa agencia, Guarda Costa, Migracion, Astec. Na momento cu el a drenta, loke falta tabata un stampia y a manda e hendenan bek.
Te na e momento ey tur papel tabata bon y niun hende no a bis’e nada. A manda e boto bek, pero a bin bek den e fin di siman di 18 di maart 2019. Migracion a laga e hendenan pasa, pero a bisa cu e frontera tabata cera.
E tabatin pasashi p’e hendenan bay bek nan pais y tabatin un palabracion cu Directie Scheepvaart prome cu e boto a bin Aruba. Tur cos tabata regla legalment p’e boto sali di Venezuela y yega Aruba, cual tur cos tabata prome cu frontera a cera. Segun Briesen, mal informe di Duane, specificamente di Roderick Wouters, a informe malo cu e boto a tranca na Venezuela y no a yega riba e dia stipula.
Directie Scheepvaart tabata na altura cu e zarpe (papelnan) tabata legal pa ora e boto yega. E diaranson prome cu e fin di siman di 18 di maart, hefe di Duane, Ricky Croes a yam’e y informa cu e boto por drenta cu e documentonan. A mand’e bay otro caminda pa un papel p’e boto por drenta, cual el a haya. Pero a bis’e cu e carta no a bin via e email corecto y cosnan a tranca. El a manda carta registra via BID p’e minsiternan Chris Romero, Dangui Oduber y Xiomara Maduro y no a haya un contesta.
Lesa TREMPAN pa mas informacion.
