Alan Howell (POR): Of Marisol Lopez ta baha of Gobierno ta bay cas

3791

E Vice-presidente di Parlamento, Alan Howell, di e fraccion di POR, awe den su discurso a bay largo riba e retonan cu tin den seno di e partido politico. Despues di diferente ponencia, el a pinta e scenario mas cla y facil pa compronde. Sea e fraccionnan ta sostene e mocion pa manda Minister Marisol Lopez cas of sino henter Gobierno mester bay cas awe.

Bisando esey, e fraccion a manda un mensahe cla y raspa pa tanto MEP como RED, pa nan no pensa mes den sostene e Minister of no vota na fabor di e mocion di desconfiansa. Den un scenario asina, POR definitivamente lo kita confiansa den e gabinete.

POR cu mensahe na MEP y RED: Sea Minister Marisol Lopez ta bay cas of henter Gobierno ta bay cas awe!

POR cu mensahe na MEP y RED: Sea Minister Marisol Lopez ta bay cas of henter Gobierno ta bay cas awe!

Posted by 24ora on Friday, July 31, 2020

Hecho ta cu e fraccionnan awe no a duna un mensahe determinante. Solamente POR a haci duidelijk cu nan no ta confia Marisol Lopez mas. Pero tanto RED como MEP a keda memey, dunando chens pa laga e Minister defende su mes prome, pa despues nan tuma un decision y fiha nan punto di bista.