Arthur Dowers: Minister Lopez-Tromp a trece dilanti puntonan huridico cu Minister Bikker no ta compronde

Loke ta pasando ta un cos mas fundamental di djis tin miedo of no ta gusta otro. E forma con Minister Marisol Lopez-Tromp a haci cu Minister Andin Bikker na varios ocasion, a haci esaki den e forma huridico corecto. A mustra riba puntonan cu Minister di Husticia mes no ta compronde con ley ta funciona.

Parlamentario di AVP, Arthur Dowers, a bisa di a tende Minister Bikker a bisa di tin dos diploma y Marisol Lopez-Tromp no tin niun diploma, pero realidad ta esun sin diploma a duna esun cu dos diploma hopi golpi. Ta bisa cu tin problema di relacion, pero en berdad ta problema di corupcion.

Fraccionan ta reaciona riba reunion pa retira confiansa di Minister Marisol-Lopez Tromp

Fraccionnan ta reaciona riba reunion pa retira confiansa di Minister Marisol-Lopez Tromp. Click link pa mas https://24ora.news/30f3SDx

Posted by 24ora on Friday, July 31, 2020

Ora di mira corupcion, no ta solamente esun cu a horta algo, pero un di cosnan hopi fundamental loke ta trata den sistema politico. E oficialnan di gobierno nan ambiente rond di nan, ta uza facilidadnan pa haya ganancia priva. Corupcion ta forma parti den e discusion aki.

Hopi sistema politico ta basa riba hipoticio y patrocinahe. Coronavirus a crea un situacion caminda no por keda sostene e sistema aki, pasobra patrocinadonan a bisa di no ta werk tegen di laga famia keda cobra salario barbaro. Segun Dowers, e ta mira cu nan a coy henter e sistema politico den mesun barco y bisa cu tur ta corupto. E tin e impresion cu en realidad esey ta loke a bin pafo cu ta e problema.

E mandatario tabatin pregunta riba esnan cu ta riba schorsing den caso di DIP. E interes cu Dowers ta defende ta esun di pueblo, unda hende por haya servicio na departamento di gobierno. E kier sa pakico a manda tanto hende cas y dicon su opinion a cambia.