Dialuna mainta rond di 9’or ta bati alarma na Brandweer pasobra tin un candela na e casino di Marriott. A cuminsa pa manda un unidad na e sitio.
Bomberonan a drenta paden y a nota di biaha cu no tin candela, pero si tabatin holo di huma. A constata tambe cu a saca tur hende cu tabata den e casino.
E prome investigacion haci na e sitio ta mustra cu e holo di candela of huma tabata biniendo for di e dak di e casino. Asina a bin descubri cu e problema mes no a cuminsa den e dak di e casino.
E prome indicacion ta cu un airco grandi a pega candela. Y airco aki ta esun cu ta manda aire pa un parti di lobby y casino. E holo a cana via di e tubonan y asina e holo a yega te den e casino, spantando tur hende.
