For di un tempo caba tin un situacion antihigienico ta tuma luga cerca di Costa Linda Hotel na Palm Beach. E situacion aki ta net panort di Coco Loco Bar, cerca di e parke di recreo. Aki ta caminda cu awa di riool ta sali estilo fontein, cual ta bay tur riba e beach y hasta den e parke unda mucha ta hunga.
Den combersacion cu propietario di e bar, el a conta cu; semanalmente truck ta bin chupa e awa di riool mirando e sistema cada biaha ta pega y debi na e presion ta causa cu e awa stinki ta bin laira. E costo di e truck ta riba costa di doño di e bar. E situacion aki a pasa diaranson atardi pa anochi.
DOW tambe a presenta pa mira e situacion pero no ta paga pa chupa e awa stinki. Un funcionario di DOW a conta cu ta ora e sistema plug den cercania, ta causa cu cerca di Coco Loco ta sufri e causa mirando ta un di e puntonan mas abou den e sistema di riool pa Bubali Plas.
DOW ta den deliberacion cu DIP pa instala un sistema di pos den cercania pa evita tipo di situacionnan asina ripiti den futuro.
