E trabounan di renobacion den Columbusstraat ta den ful swing. Hopi ta e comerciantenan cu na comienso tabata pro e plan aki di embeyecemento.
Pero e tardansa ta haci cu hopi di e comerciantenan ta perde pasenshi cual ta algo lamentabel. Asina Minister di Economia, mr. Geoffrey Wever a cuminsa na bisa. Tur hende sa cu e fondonan pa ehecucion di un proyecto ta limita y ta spera di hacie mas lihe posibel pa e por tin su impacto. Despues ta bin toch ‘force majeure’, cu no tabata den man di Gobierno, pero ta cosnan cu a pasa den ehecucion di e trabou.
E siman aki lo mester bin claridad riba e trabounan adicional cu mester tuma luga, aunke cu dialuna caba por a wak cu e trabounan den e caya a continua. Ta spera cu e parti mas importante cu mester wordo resolvi tuma luga. Siman pasa a reuni cu DOW y e siman aki lo follow up riba locual cu falta pa por sigui.
