Aerotecnica tin personal cu ta bula avion tambe. Antonio Dugarte a splica cu realmente bula avion ta complica. Tin mester di entrenamento recurente anual, depende tipo di operacion cu kier haci.
Pa helicopter, ta mas complica ainda, pasobra si e helicopter ta un poco mas agil, por haci hopi mas cos compara cu un avion. Obviamente e entrenamento ta mas estricto. E compania ta manda su tripulacion pa bay haci training na Merca un biaha pa aña recurente y ta uza empresanan hopi sigur y bastante bon conoci den e industria, manera Fly Safety International of manera e hendenan CIA SimulFlight. 
E pilotonan di e empresa, realmente a wordo scogi di un grupo hopi grandi di piloto. El a wordo reduci inicialmente pa 8 piloto y di e 8 pilotonan aki 3 a wordo selecciona. E pilotonan tabata tin por lo menos 3 aña minimo den operacionnan policial. E operacionnan policial ta rekeri di un wowo entrena. Riba e isla tin hopi biento. Riba e isla ta opera den oranan di anochi. No semper tin un referencia visual di bastante bon defini cu e tereno.
E ta rekeri un entrenamento hopi halto y hopi specifico pa e tipo di operacion aki.
Destaho
E prome biaha cu Dugarte a reuni cu Dowers, el a pidi un extension pasobra e mester a haci un destaho y Dugarte a dune cu hopi gusto. Dugarte ta pensa cu esaki no ta un operacion aereo. Ta un operacion policial. Y un operacion policial particular cu tabata wordo haci riba e isla, realmente ta un grupo di entre Guarda nos Costa, Polis, e grupo cu tabata maneha e radarnan y e helicopter y botonan. Realmente cu si a logra corumpi un di e cuater integrantenan importante aki, ta bay reuni Guarda nos Costa y polis, pero ta papia di e hermentnan, manera cu ta e boto, radarnan, helicopter y grupo di tera.
Si a logra un corupcion di e prome tresnan, e consecuencianan tabata obviamente fatal pa e isla. E compania a identifica helicopternan cu tabata bin anochi, tirando paketenan parti nort di e isla, cual ta bastante peligroso.
Ken sa ki tipo di arma of droga por tabata drentando. No solamente a concede e prome extension. Den tres luna no a saca ningun destaho publico y a pidi un di dos extension.
A recorda e minister cu e empresa ta e uniconan, cu ta un compania Arubiano, cu ta bale la pena, pa no saca e destaho publico.
Dugarte a bisa e minister cu e compania ta bay aumenta e prijsnan 30% y lo bay gana tambe e destaho publico y asina tabata. Nan a aumenta nan prijsnan cu 30%. E destaho publico a sali y a wordo declara desierto.
Aerotecnica a stop di opera cu e aeropuerto na final di 2014, principio di 2015.
Desde 2015 te cu 2018, Aerotecnica a perde cualkier tipo di speransa pa bin bek na e isla. Nan a wordo invita pa un evento, un destaho, cual 15 compania a participa. E destahe tabata uno internacional. Nan tabata tin algun reunion aclaratorio, claramente nan a asisti.
Di e 15 companianan aki, Dugarte ta bisa cu kisas tres no tabata tin e permisonan operacional. E resto tabata un grupo bastante profesional.
E companianan cu mas experiencia, tabata un grupo Brasilero, cu tabata tin mas cu 20 aña di buelo y Aerotecnica cu tabata tin mas di 60 aña bulando. Nan tabata tin e unico cu experiencia bulando na Aruba.
Dugarte no sa si e otronan tabata tin experiencia policial. Pero nan tabata tin mas di 11 aña cu experiencia policial.
Kico a pasa
A declara e destaho publico como desierto. E tabata un proceso habri. E di tres biaha, cu nan a habri e oferta, e compania a presenta y a anota naturalmente tur e solucionnan. Tabata tin compania cu claramente no tabata tin experiencia.
Por imagina cu nan a wordo descualifica di inmediato. Tabata tin otro companianan cu a haci nan oferta, no necesariamente loke e isla tabata ofreciendo. Aerotecnica tabata e di tres mas barato. Si nan a pone riba un liña kendenan a gana y esnan cu no a gana, Aerotecnica a yega na di tres.
Un grupo Canades y uno Colombiano tabata mas barata cunan. E diferencia di prijs tabata hopi parecido na e diferencial di prijs ridiculamente halto cu WAviation pa e tokenan na Reina Beatrix y Aerotecnica door di conoce, mester a presupuest’e.
Dugarte a purba di bin cu un reunion cu e grupo cu tabata licitando. Hasta abiertamente, el a comunica e necesidad di papia cu WAviation of hasta, nan a logra haya un excepcion, pone combustibel na e luga di operacion cu nan a e momento ey nan a tuma na 2003 y a pensa cu por tabata e miho opcion di opera na Tanki Flip, unda cu Cuerpo di bombero ta.
