E eliminacion di Uruguay y Brasil den Rusia 2018 ta confirma cu un di e continentenan grandi di futbol ta mantene sumergi den un maldicion largo mundialista.
Apesar cu Brasil, Argentina y Uruguay ta suma 9 titulo mundial, e mesun registro cu e tres seleccionnan Europeo mas exitoso. Ningun ekipo Sur Americano a gana e Copa Mundial na Europa desde 1958.
Pele
1958 tabata e aña caminda cu Pele a aparece como un forsa imparabel, un fenomeno di apenas 17 aña cu a kibra record.
Pero esey tabata 60 aña pasa. For di e tempo ey, e Continente bieu a organisa 7 mundial: 1966, 1974, 1982, 1990, 1998, 2006 y 2018.
Y den e 7 edicionnan ey, solamente dos Sur Americano a alcansa e final: Argentina na 1990 y Brasil na 1998. Apenas uno tabata semifinalista. Brasil, cuarto den 1974.
E 6 ekiponan cu ainta ta na bida na Rusia ta Europeo, pa cual solamente 3 di e 28 semifinalistanan tabata Sur Americano den e añanan ey. E restante 25, pero for di Europa.
E ultimo Copa Mundial basa na Europa tabata na 2006. E 4 mihonan tabata seleccionnan Europeo. Na Rusia lo bay ta e mesun caso.
Suecia – Inglatera
Inglatera y Suecia ta conciente di e importancia cu nan tin e partido di cuartonan di final cu ta tumando luga awe, 7 di Juli na Samara. Pasobra independientemente ken cu pasa, berdad ta cu pa hopi tempo, cu ningun di e seleccionnan aki a yega asina leu den un Copa Mundial di FIFA.
Si Suecia accede na e semifinalnan, lo ta su prome biaha for di Merca 1994, certamen unda cu el a caba na di tres posicion. Inglatera di su banda, no a figura entre e cuatro miho seleccionnan di e planeta desde Italia 1990, unda e tabata e di cuater.
E Scandinavonan ta yega tras di logra un victoria forsa cu 1-0 riba Suisa, danki na un disparo di Emil Forsberg cual el a hinca entre e palonan di gol, despues di a toca den un rival.
E Tres Leonnan a demostra un gran fortalesa mental tras di concede e gol di empate contra di Colombia den e tempo extra. E extension aki no a sirbi pa deshaci di e tablanan, pero Inglatera a impone 3-4 den penalty y a gana su prome tanda den un fase final di e Copa Mundial den su di cuater intento.
Rusia – Croacia
Den e stadion Fisht di Sochi, cu a alberga algun di e encuentronan mas intenso y espectacular di Copa Mundial di FIFA Rusia 2018, lo bisa ayo den grandi, cu un encuentro di cuartonan di final unda cu e pais anfitrion lo pone a prueba un biaha mas su ambicionnan contra di Croacia.
Ambos seleccion a biba un encuentro di octavonan di final agotador, cu oranan escaso di diferencia. Aunke pa mira con Spaña a domina abrumadoramente e posesion di e bala, e Rusonan a haci e campeonnan mundial di 2010 loco, defendiendo nan porta di gol cu tur loke nan tabata tin te den e tanda di penaltynan, unda cu nan a mustra di ta mas afecta.
E mesun feliz desenlace e Croatanan tabata tin, cu a biba un aranke loco di partido contra di Dinamarca, cu un gol pa cada seleccion den e prome cinco minuutnan. Despues di a desata un guera largo di nervio, cu a obliga e hombernan di Zlatko Dalic na hunga den e extra tempo y a caba seyando nan ticket pa e cuartonan di final, for e punto penal.
Awo falta pa sa ki seleccion lo repone miho di e emocionnan fuerte aki. Rusia lo sigui bayendo dilanti den un fervor popular exponencial; un apoyo cu e lo tin mester pa e talento individual y colectivo di Croacia.
