Desde antayera tin dos buscado perdi. Nan a sali den nan boto bay pisca, manera nan a sa di haci hopi biaha. Segun Adolph Croes, rescue coordinator na Search and Rescue, e piscadonan a duna señal cu nan ta biniendo aden. Pero dado momento no tabata tin comunicacion mas cu nan y nan no a drenta tampoco, yega bek, caminda nan mester yega.
A bati alarma cu autoridad y di biaha Kustwacht a saca avion, helicopternan di Kustwacht y di Polis di Aruba a bay busca y tambe tabata tin amigonan cu a huur avion, cu a bay busca ayera y hasta awe mainta ainda tabata tin avion cu a sali.
Tambe ayera nochi marduga Dash di Corsou di Kustwacht tabata buscando y banda di 2’or di merdia el a bay busca den un area mas panort pa wak si nan ta haya e boto di e dos piscadonan.
Croes ta agrega cu ora cu tin claridad, sa e custumber di un piscado cu ta bay y bin tal ora. Ni maske e ora cu pisca cuminsa morde, nan ta bin cas.
Tin piscado ta avisa cu nan ta saliendo y ta biniendo cas. Eynan tin hopi vast kico ta e conducta di e piscado y kico ta haciendo y desvia di e custumber cu nan tin.
Den e caso aki ta custumbernan cu nan tin. A bisa cu nan ta bin y no a yega.
Como tal tambe pa su mainta, avionnan a lanta, a prepara tur cos pa bay busca, pero no a haya nada.
E avion Dash ta tira un boei den awa, caminda cu e ta marca velocidad di stroom. A base di esey cu e sistemanan avansa na Corsou, nan ta stipel uit e area cu nan ta bay busca den dje. Cada ora cu ta pasa, e area ta move tambe, a base di e stroming.
Haciendo esey, nan a traha un searchplan pa nan mes, a traha un searchplan pa e avion cu e amigonan a huur pa e buskeda y esey a bin ta haci ayera y awe.
Ayera nochi tambe avion di Kustwacht ta busca den laat den marduga. Mainta, banda di 9’or a sali un avion priva, gehuur cu hendenan di Search & Rescue abordo, pa haci e buskeda cual ta un procedura basta dificil, mirando e tamaño di e boto y e colo.
E boto no ta uno grandi cu por wak’e facilmente riba lama. Pero ta haciendo tur intento. E avion priva a drenta 12’or y mey y 2’or Dash a bolbe sali y te den oranan di anochi, e ta bin beki.
Search and Rescue ta traha hopi estrecho cu Kustwacht di Corsou y Aruba y ey ta determina si ta factibel mirando e cantidad di ora y e condicionnan cu tin den e buskeda.
A busca e costa Colombiano, a busca e costa Venezolano, a bula riba tur eseynan y no a señala nada tampoco.
Awo ta bay busca un tiki mas panort. Lama por cambia di direccion y ta bay busca pa wak den e area aki, cual ta un area grandi.