Diamars ta un otro dia di calor aki riba nos isla. Nos bishitantenan ta busca lama of sombra pa refresca nan curpa y core un poco di e solo briyante riba nan cabes.
Sinembargo, e adictonan ambulante den centro di ciudad, pa scapa di e calor y solo a haya ta bon pa bay dal un baño den e fontein riba Plaza Padu. Sigur no ta prome biaha cu e adictonan ambulante aki ta haci esaki. Anteriormente ya caba nan tabata haci esaki rib’e fontein situa riba Plaza Nikki Habibe, na final di Caya Grandi.
Polis a presenta n’e sitio p’asina “core” cu a adicto ambulante aki cu tambe, na su manera, a dicidi di bay “refresca” su curpa di e calor insoportabel cu ta reina riba nos isla.
