Diamars mainta a tuma luga un accidente entre dos vehiculo di compania na e rotonde di Tanki Leendert cu daño material minimo pero un persona deteni.
Esaki a tuma luga aproximadamente 10:00 am entre un Suzuki van y un Truck caminda un a dal tras di e otro. Locual por a compronde na sitio ta cu e persona cu a ocaciona e accidente aki tabatin intencion di bandona sitio. Na yegada polis a cuminsa controla pa documento y a bin constata cu e no tin rijbewijs cu ne.
No ta sigur cu lo tin motibo adicional, pero detention a cay na sitio, a pidi transport y a hib’e warda di polis.