Accidente grave patras di Alto Vista: Persona cu trauma severo na cabes

2904

Diaranson atardi a sosode un accidente grave den area entre Alto Vista cu Urirama, caminda un UTV a bolter y laga varios persona herida.

Cu urgencia a pidi asistencia di ambulance mirando cu e victima di mas grave tin un “deuk” grandi den su cabes cu ta pone cu su situacion ta hopi serio. Esaki a sosode den careda di 5:30PM.

Informacion cu a ricibi ta cu e accidente a tuma luga patras di Kapel di Alto Vista pero cu testigonan na sitio a opta pa trece e victima mas cerca di caminda grandi pa asina ambulance por localisanan mas lihe.

A logra yega cu dos victima dilanti supermercado na Rooi Santo caminda cu ambulance a sali cu maximo urgencia cu nan direccion Hospital.

Mientrastanto polisnan a bay na luga di accidente pa investigacion. Na Rooi Santo tabata tin un victima mas cu na prome instante a pidi asistencia medico pero despues a bisa cu no ta necesario mas.

Pa informacion completo di e sucedido por subi riba www.Trempan.com