Tension ta keda halto: A scucha varios tiro den Pos Chikito

3510

No ta mucho dia pasa cu a registra e di tres caso di asesinato pa aña 2021. Tabata den oranan di anochi ora cu a los tiro y a alcansa un hoben di bintiun aña den cabes. For di e dia ey, tension a keda halto den e bario di Pos Chikito. Varios biaha polis di San Nicolas ta bay cu cautela den e bario pa diferente asistencia, entre otro, pelea.

Tabata alrededor di 4:30pm awe tardi ora cu a bati alarma pa tiro den mesun area caminda e caso di asesinato a tuma luga. Ora cu polis a yega, a topa cu mita bario para pafo di nan cas.

A conta cu a scucha por lo menos cuater tiro den cercania. Tabata suficiente motibo pa cuminsa cu un buskeda den e area. A dura varios rato ta busca, pero sin resultado. Polis ta atento di e caso aki, y tin diferente unidad special riba un “stand by” mirando cu tin tur indicacion cu ta trata di problema di gang.