Algo pasa di 4or a pasa un accidente caminda un Toyota Yaris, pasando riba e caminda di Franklinstraat y bayendo direccion CMB a topa cu un Forklifter.
E Forklifter tabata saliendo for di e warehouse di un negoshi den cercania. Na dado momento e manehador di e Forklifter no a nota cu tin auto biniendo. E consecuencia tabata cu e forki di e Forklifter a raspa full e banda di e Yaris. Polis di trafico a presenta na e sitio pa asina wak e situacion. Presencia di ambulance a wordo pidi door cu tin un mucha cu lo a haya golpi leve na cabez pa motibo di e impacto. Ambulance a presenta pa asina paramediconan hasi un chek up. Daño material tabata considerabel.
