Diasabra anochi a sosode un accidente entre tres auto na Paradera. E accidente a sosode cerca di rotonde Paradera. E autonan envolvi ta un Honda City color blanco, un Hyundai Tucson y un Terios. Na sitio a compronde cu e City tabatin su señal poni pa bay lora a su man robes pa bay direccion di Botica di Paradera.
Parce e Terios no a paga tino y a dal tras di e Tucson cu consecuencia a bay dal tras di e City cu tabata para mas dilanti. E chauffeur di e City a resulta levemente herida, na sitio tabata keha di basta dolor na pecho. Ambulance a presenta pa brinda atencion medico n’e chauffeur herida. Polis di trafico tambe a presenta pa documenta e accidenta aki.
