Accidente cu herido trempan na Tanki Leendert

332

Algo pasa di 7or mainta trempan un patruya di Noord pasando cerca di Tanki Leendert a topa cu un accidente net na e crusada di Guardian Group Tanki Leendert.

A bay atende cu e accidente entre un Nissan Cube preto y un Honda Civic shinishi. E manehador di e Nissan Cube biniendo for di pariba yegando e crusada a topa cu e Honda Civic cu no a duna preferencia y ta accidenta. Un di e manehadornan a resulta herida.  Ambulance a presenta pa duna asistencia medico y despues a transporte pa hospital, daño material ta considerabel.